Alex Murdaugh, homber cu a haci un desgracia cu su casa y yiu, unda cu e ta mata tur dos.
Diabierna 3 di Maart Alex mester a presenta den corte pa asina tuma su sentencia. Clifton Newman cu tabata e Hues pa duna
Alex su sentencia a splica cu saki ta un di e caso mas tristo pa comunidad, e defense team y tambe pa e como Hues.
Durante e caso aki, Alex ta splica cu tin biaha e tabata tuma mas cu 2,000 miligram di “oxycodone” pa dia durante e luna nan di morto di su yiu y casa.
Realmente un doctor no lo duna un patient mas cu 100 miligram di “oxycodone” pa dia, ni pa e dolor di mas severo cu un patient por tin.
Durante su sentencia Hues ta puntra Alex si e tin algun comentario cu e lo ke bini dilanti tocante e caso aki. Alex ta splica cu e ta completamente
inocente y lo nunca causa dolor na su casa Maggie Murdaugh y tampoco su yiu Paul Murdaugh.
Fiscal Creighton Waters ta manda condolencia na e famia di Murdaugh y a pidi pa e sentencia maximo pa Alex Murdaugh durante su audiencia di sentencia. Tambe ta bisa cu e persona aki (Alex) no mag di cana liber despues di e delito cu e la cometi. Cu e sentencia aki, fiscal Waters ta scapa Alex di e sentencia di morto. Pero si ta pidi pa e sentencia di bida consecutivo.
Saki ta un caso cu tabata andando ya caba for di Juni 2021 pero porfin ta haya su fecha final mirando cu Alex tabata tin mas caso pendiente, e\o un caso di arma di candela.
