Alerta pa dobel mutacion di variante Indio y Californiano

Cientificonan a tuma nota di e prome caso di Covid-19 variante nobo na Bay Area California, cu a origina for di India. Cientificonan di e Universidad na Stanford California a identifica e variante aki. Esaki ta keda considera como dobel mutacion.
T’asina cu tur caso positivo ta keda analisa door di e clinica/laboratorio virologo di e universidad.

E virus su proteina tin e mutacion L452R, cu ta e variante di California y den un otro posicion e tin E484 cu ta e variante di Sur Africa y Brazil. No ta conoci ainda con peligroso e ta of si e ta pega un hende mas lihe.
Na India por bisa 15-20% di infeccion ta representa e tipo aki actualmente.
No tin un prueba completo riba e vacunanan actual cu ta wanta e tipo dje virus aki pero den informacion preliminar por bisa cu e anti curpanan ta menos efectivo pa e variante di India aki.

Segun un conteo independiente di Universidad John Hopkins, desde inicio di e pandemia, 30 miyon persona a contagia cu coronavirus na Merca y mas cu 555.000 a perde nan bida.

Maske cu informacionnan ta skars, Dr. Pinsky ta urgi tur hende pa sigui vacuna tog y pronto mas informacion ta sali tocante e variante di India aki.
Na final di maart, un grupo di dies laboratorio a confirma cu a detecta e mutacion nobo aki, den estado west di Maharanshtra despues di varios test di e virus.
E analisis di testnan na e ciudadnan ey a revela cu, en comparacion cu december di 2020, tabatin un aumento den e fraccion di testnan cu e mutacionnan E484Q y L452R.
Segun un conteo independiente di Universidad John Hopkins, desde inicio di e pandemia, 30 miyon persona a contagia cu coronavirus na Merca y mas cu 555.000 a perde nan bida.

Comments

comments