Entrante awe 26 di maart 2019 lo bay cera e caminda di Caya Maguey cu ta conecta cu Caya Frere Alexius y Pitastraat pa construccion di un viaduct en conexion cu proyecto Watty Vos Boulevard.
E caminda di Pitastraat unda e viaduct lo wordo construi lo no wordo cera te cu fin di April.
Ta pidi automobilistanan por favor baha velocidad ariba Pitastraat.
DOW y Mota-Engil Aruba ta pidi pueblo di Aruba y tur automobilista pa tene cuenta cu e desviacion ariba e ruta menciona.