Alerta pa calor excesivo pa proximo dianan

Combinacion di temperatura halto (33 pa 36 Grado Celcius) y porcentagenan generalmente halto di humedad (mas halto cu 70 porciento) ademas di un biento zwak durante proximo dianan lo pone cu e sensacion di calor lo por yega 38 pa 42 grado Celcius.
E calor y humedad halto lo no baha mucho anochi cu temperaturanan bahando solamente te un minimo di 29 te 27 Grado Celcius. Esaki lo aumenta e peliger pa hendenan cu no por haya un lugar adecua pa refresca nan curpa. Nos ta den e temporada di mas calor di aña. Calor excesivo ta e asesino di tempo number uno y hende mester prepara pa e peliger cu calor excesivo ta ocasiona. Mucha chikito, hende grandi y hende cu tav malo di curazon ta esnan mas expone. E combinacion di temperatura y humedad halto lo combina pa crea un situacion den cual malesa cuas pa exposicion prolonga na temperaturanan halto lo por presenta. Mester tuma acion di precuacion. Limita actividad pafo di cas pa oranan tempran di mainta of ora solo baha. Ta recomenda pa entre 11’or di mainta y 4’ordi atardi limita actividadnanpafo di cas of cu otro palabra den solo. Si bo tin un airco cu ta funciona, use of por lo menos habri bentana pa laga aire pasa y circula. beb hopi likido y keda den kamber cu airco. KEda aleha di solo y ora bo sali pafo bisti paña di color licht. No usa paña color scur ya cu esaki ta retene mas calor y ademas beb hopi likido. Preferibel awa y juice sin sucu.

Comments

comments