MIAMI, Florida – Por sosode cu e miho famianan… y beachnan solea. E awanan di algun beach afama y concuri di e area di Miami, en especial e parti di South Beach, tin awo un componente asina cuantioso y special cu autoridadnan mester a emiti un alerta publico.
E awanan di e parti mas zuid di Miami Beach, ta contene di acuerdo cu e corant, Miami Herald, cantidad di e bacteria enterococo, cu ta bin principalmente di e material fecal y por infecta y causa enfermedadnan severo na personanan cu ta drenta den contacto cun’e.
Landa den awa ey na South Beach ta di alto riesgo.
E nivelnan di enterococo na South Beach ta excede e standardnan di siguridad federal y estatal pa e awanan unda ta realisa actividadnan recreativo y aunke autoridadnan sanitario no a señala un solo fuente di e contaminacion ey (a menciona desde scurimento di awa di drenahe di awasero te na desecho di animalnan salbahe y mascota y awa cu residuonan fecal humano) e panorama ta en todo caso problematico.
Esaki pasobra, manera cu a comenta na September 2016, ora cu un alerta pa contaminacion similiar a emiti den e area di Miami pa cierto areanan di e beachnan di South Beach y key Buscayne, no ta cu un landado diripente ta mira hunto cun’e un pida vies di pida fecal flotante, sino cu aunke e awanan ta luci cristalino, e bacterianan nocivo den concentracionnan halto, ta eynan.
Na Mei di 2016, manera cu The Huffington Post a relata, alcalde di Miami Beach a bisa riba Facebook cu ta “un engaño grandi” cu e awanan ey tin excremento humano, pero algun luna despues mester a wordo emiti un alerta pa contaminacion fecal, cu incluso a yega na pone den peliger, por ehempel, salud di cientos di competidor di un renobrado triatlon.
Y awo e problema ta ripiti.
Aña psa, manera cu The Herald a relata, cientificonan di e universidad di Miami, a cuminsa rastrea e fluho di parti di contaminacion den e awa den zonanan manera e desembocadura di e riu Miami, Biscayne Bay y Miami Beach. Pa esey , nan a recuri na tecnologia cu a wordo uza den e analisis di deramenan di petroleo y a detecta cu un red di diverso sensornan coriente den e zona cu ta move, dispersa y tambe a dilui materianan contaminante.
Como consuelo, al menos den e repport di “e beachnan mas contamina di Merca” cu The Active Times a publica na 2016, ningun beach di Florida ta entre e 10 pionan y e unico cu ta aparece den e lista aki (na di 12 luga) ta Keaton Beach, den e costa di Golfo nort di e estado.
Fuente: Yahoo Noticias