Alerta na Brazil pa varios caso di sarampi

0
RBC Juli 2018
Funmiles-2018

BRASILIA, Brazil- E pais Suramericano, Brazil a registra den e prome 7 lunanan di aña, 822 caso confirma di sarampi, cual ta 17.6% mas di e cifra di diez dia pasa duna door di e Ministerio di Salud den un reporte riba e malesa aki.
Según e acuerdo cu Ministerio di Salud, ademas di e casonan confirma, mayoria di nan ta den e estadonan Amazonas y Roraima, den e parti noord di e pais y frontera cu Venezuela. Otro 3831 caso ta wordo investiga pa autoridadnan sanitario.
Según e cartera aki, tur e casonan aki ta relaciona cu e importación di e virus for di Venezuela, ya cu a keda comproba cu e virus ta circula na Brazil, for di e mesun país bisiña.
Di e 822 casonan confirma, 519 a wordo registra den e estado Amazonas y 272 na Roraima. Tambe tin algún caso aisla den e estadonan di Sao Paolo (1), Rio de Janeiro (14) , Rio Grande do Sul (13), Rondônia (1) y Para (2).
Segun e ministerio di Salud, Brazil ya caba ta preparando medidanan di prevencion y blokeo di e malesa den henter e pais, a trabes di e vacunacion pa interumpi e transmision di e brotenan y impedi cu e transmision keda estableci.
“Pa e wordo considera transmision sosteni, e mesun brote lo mester tuma luga pa mas di 12 luna”, e ministerio a señala.
Un di e recomendacionnan di e entidad di salud ta cu e adultonan cu no a wordo vacuna contra di sarampi lo ricibi e vacuna, principalmente na luganan unda cu tin brote di malesanan.
Personanan cu ya caba a completa e schema di vacunacion no mester vacuna di nobo.

Comments

comments

C: Heineken
new india