E circulacion di biyete falso na Alemania a registra un subida, segun banco central di e pais, Bundesbank, a revela e siman aki. Cerca di 56,600 biyete di euro falso cu un balor nominal di 5,1 miyon euro (mas di 5,5 miyon dollar) a wordo intercepta den 2023, ilustrando e aumento anual di falsificacion a crece cu 28,2%.
E biyetenan falso di 200 y 500 ta esunnan mas habitual y su cantidad den circulacion a crece mas cu esunnan di otro nominacion: 266% y 167% respectivamente, den e variacion anual. No obstante, un miembro di e hunta directiva di e entidad, Burkhard Balz, ta considera cu e ultimo cifranan ta “leu” for di e maximo historico registra na 2015, ora cu nan a confisca 95.400 biyete falso, y cu “e riesgo p’e publico ta sigui ta abao.”
Manera den e añanan anterior, tabatin falsificacion facil pa detecta, cu tabata contene marca di “placa di pelicula” of “copia di props” y cu a representa un gran proporcion di e conhunto di e biyetenan falso, specialmente, esunnan di e denominacionnan di 10 y 20 euro. E notanan di e categoria aki no ta presenta ningun elemento di siguridad, pero e label “placa di pelicula” den algun caso tabata tapa y a wordo reemplasa pa un firma falso.
Manera e biyetenan falso tabata wordo confisca sin substitui p’esunnan autentico, e bankeronan ta sugeri pa controla e cash uzando e metodo “mishi, mira, draai.” Fuera di esey, ta recomenda compara e biyetenan sospechoso cu algun cu ta mustra autentico y comproba semper mas di un marca di siguridad.
Asina mes, na 2023, a resulta significativamente mayor cu e aña anterior e cantidad di moneda falso: 115.900 unidad compara e 73.400 registra na 2022. Estadisticamente, e cifra ta igual na 14 moneda falso pa cada 10 mil habitante na Alemania.
Specificamente, e cantidad di moneda di 2 euro falsifica introduci den e sistema di pago, a crece bastante.
Di acuerdo cu un reciente estudio di Bundesbank, ainda ta uza cash den e economia mas grandi di Union Europeo pa casi 60% di compras.
