MOSCU, Rusia- Alemania a titula campeon di e Copa Confederaciones ora cu el a derota Chile, cu e score minimo di 1-0. E partido tabata uno yena cu tension, pero Alemania a probecha un fayo grandi den e defensa di La Roja, durante e prome parti.
Faltanto binti minuut, e Chilenonan a recupera y a cuminsa ataca mas. Pero e contraatake Aleman tabata formidabel.
Mei mei di e aclamacion di nan fanaticonan, cu niun momento a stop di kere den nan seleccion, e Chilenonan a sigui pusha, pero nan no tabata na e mesun altura cu e otro finalnan, ora cu La Roja a derota Argentina di Messi den Copa America.
Alemania ta caba cu e soño Chileno y asina tambe, nan a scirbi nan nomber pa prome biaha den e torneo aki, cual ultimo tres torneonan a wordo gana pa Brazil.
Fuente: www.efe.com