BONN, Alemania- Gobierno Aleman dia 15 di augustus a aproba un proyecto di ley riba e introduccion di e posibilidad di indica un tercer genero riba e certificadonan di nacimento, segun DW a informa.
Di e manera aki, e personanan cu no ta considera nan mes ni homber ni muhe lo por marca e hoki di “diverso” riba e certificado di nacimento. Te cu awo solamente tabata existi e posibilidad di laga e respuesta en blanco. Un opcion cu lo sigui di ta posibel aunke e proyecto di ley wordo aproba.
E proyecto di ley a wordo aproba pa gobierno Aleman segun un sentencia di e Tribunal Constitucional dicta na 2017 despues di un demanda presenta pa un ciudadano. E ley ta ordena autoridadnan Aleman di establece e opcion di eligi un di tres genero durante e inscripcion di nacimento. Asina ta satisface e necesidad di individuonan cu no ta asocia nan mes ni cu e sexo masculino ni cu e femenino.
Awo e proyecto di ley lo wordo debati den e Bundestag y si e wordo aproba pa Parlamento, e lo drenta na vigor na principio di otro aña.