Lastimamente cu Aruba tin un sociedad unda cu alcohol y otro substancianan cu ta wordo uza ariba un frecuencia hopi halto. Sra. Magaly Maduro, di Fundacion Hende Muhe den Dificultad ta amplia mas ariba esaki.
No por bisa cu alcohol y droga ta esun cu ta haci bo bira violento, pero e ta facilita si pa por laga e agresion bin halto. Fundacion Hende Muhe den Dificultad sa cu esaki ta un problema, p’esey ta trece esaki den e charlanan cu e fundacion ta duna.
Pero te ainda no a yega asina leu di evita e uzo di alcohol. Ta purba duna e informacion cu esaki e substancianan aki ta haci hopi biaha, cu e persona no por controla su mes. E persona ta wordo poni na altura di esaki. E fundacion no ta den e cas, e bar of e discoteca unda cu esaki ta wordo consumi. door di duna informacion ta purba di conscientisa e hobennan cu e uzo di alcohol y droga no ta bon. No solamente e no ta bon pa bo curpa, pero pa bo mente tampoco. Y si bo tin algun issue cu ta hacibo violento, esaki ta trece e violencia ariba.
“Den e proximo 4 lunanan, ta e temporada di fin di aña y sigui di biaha pa carnaval, esaki ta e temporada cu mas uzo di alcohol y droga, pa cual Sra. Magaly Maduro a pidi pa tur hende ta consciente di esaki, cu esaki por ta ‘trigger’ violencia den bo hogar. Si bo kier evita e violencia aki, e ora ta bon pa evita e consumo halto di alcohol y droga. Mester ta hopi consciente di e temporadanan binidero, fin di aña, y carnaval, nos mester ta mas consciente di kico nos kier”.
Como mayor mester keda ripiti cu e uzo di alcohol y droga no ta bon y mester yuda comunidad ripiti esaki. FADA tambe ta haci su best, door di purba conscientisa di cu e uzo di substancianan no ta bon. Den e hogarnan, como educador mester recorda e hobennan cu alcohol y droga no ta bon.
Por ultimo, Sra. Maduro a bisa cu tin un porcentahe di 50% cu alcohol y droga ta hunga un rol. Na e momento, sea tabata bebi of droga, e violencia ta bin ariba. E otro 50% tabata di hendenan cu no ta bou di influencia, dus por bisa cu e ta balansa igual.