WASHINGTON, Merca- Ora cu Venezuela a emiti un orden di detencion aña pasa den su contra, e hoben opositor David Smolansky a bay sconde prome cu el a feita su barba pa cual e ta reconoci y asina huy secretamente pa e selva di e pais pa e pais bisiña Brazil.
Awo, Smolansky ta estableci na Washington como parti di un grupo creciente di exiliadonan Venezolano cu ta poniendo presion pa un postura internacional mas duro contra di e presidente Nicolas Maduro, mey mey di e crisis economico di e pais.
Sin embargo, e ex lider studiantil y periodista di 32 aña ta bibando den un limbo straño cu a laga e nacion petrolero, acusa pa e escasez di cuminda, malesa y un inflacion di cauter digits.
“Hopi hende ta kere cu ‘ya el a bay, awel e ta bon’. Exilio tambe ta dificil. Bo no ta preso pero bo no ta liber tampoco, ya cu bo no por bolbe bek bo pais”, el a bisa recientemente den un entrevista e ex alcalde di e suburbio rico di El Hatillo, na Caracas.
Su exilio tin un sabor particularmente amargo: su welonna hudiu a scapa di ex Union Sovietico y despues su mayornan a huy di e comunismo di Cuba pa Venezuela.
“Mi ta e di tres generacion cu mester emigra”, Smolansky, cu un stem hees, a bsia cu su tata a conseho enfatico pa no laga exilio kibr’e.
Smolansky ta pasa gran parti di su tempo den reunion cu funcionarionan di e gobierno di presidnete Donald Trump y diplomaticonan internacionales pa presiona pa mas sancion di Merca y Latino America contra di gobierno di Venezuela.
SU HUIDA
Na Augustus, na final di cuater luna di protestanan anti gubernamental, Tribunal Supremo di Husticia, tambe mira como un departamento pro gobierno, a emiti un orden di detencion contra di Smolansky, culpando e di permiti hobennan manifestante bisti cu capuchon di tira piedra y a blokia camindanan di El Hatillo.
Smolansky tabata si kico ta sper’e: e hefe di Voluntad Popular, Leopoldo Lopez, tin mas di tres aña cera for di 2014 bou di cargonan di alimenta violencia di caya y mey dozijn di alcaldenan opositor tamba a wordo manda prizon.
“Na Venezuela, nos tur tin un number. Loke nos no sa ta ki dia e guillotina ta yega”, Smolansky a declara. Di biaha el a bay sconde, incluso hopi si su colaboradornan mas cercano no tabata sa di su paradera. Moviendo entre varios cas sigur, Smolansky tabata drumi durante dia pa ta alera durante oranan di anochi, por si acaso autoridadnan purba gar’e den scuridad.
Trinta y cinco dia despues, ora cu e disisdente ex fiscal general, Luisa Ortega y e magistradonan opositor a logra sali exitosamente di e pais, Smolansky a dicidi di haci mescos, pasando 35 puntonan di control y uzando id di otro persona. El a huy a trabes di e selva den zuid di Venezuela, un region yena cu contrabandistanan di gasolin y mineria ilega di oro, pa yega e frontera cu Brazil, pa despues sigui pa Washington.
Asina mes, e bida cotidiano den abundancia na Merca, ta sigui di ta un recuerdo amargo di penurianan na Venezuela.
“Aki bo ta haya aroz blanco, aroz bruin, tur sorto di aroz”, Smolansky a bisa na harimento, prome cu bira seri bek. “Na Venezuela, no tin ni aroz”.
Fuente: https://www.reuters.com