MANILA, Filipina- Un alcalde Filipino cu tabata mantene un guera contra di droga pero tambe tabata wordo sospecha di ta mantene vinculonan cu narcotrafico a wordo asesina dialuna. El a wordo tira mata den e ciudad di Tanauan.
Antonio Halili a wordo tira mata supuestamente pa un francotirado durante un evento di hisamento di e bandera nacional. El a muri na caminda pa hospital, segun medionan local. El a haya un bala den pecho.
Un testigo di e hechonan a capta e momento di e crimen cu su camara. Riba e imagennan por wak Halili entre otro funcionarionan cantando e himno nacional dilanti di e alcaldia. Ora cu e camara ta bira pa otro grupo door di gritonan di panico.
Halili ta conoci pa desfila supuesto traficantenan di droga den cayanan di su ciudad na 2016.
Sin embargo, tambe e tabata wordo sospecha di ta vincula cu presunto caponan di droga. Aña pasa e tabata un di e politiconan cu e presidente Rodrigo Duterte a kita tur su podernan policial for di dje. Pero Halili a rechasa tur e acusacionnan presenta den su contra.
Halili ta di cuater ‘narcopolítico’ asesina desde cu Duterte a anuncia su guera contra droga na 2016.
Fuente: Actualidad RT