PIVIJAY, Colombia – Diahuebs a sali na cla un denuncia contra Eduardo Villa Mozo, alcalde di e municipio di Pivijay, den e departamento di Magdalena, kende presuntamente lo a abusa di un menor di 15 aña. E caso a sali na cla, danki na e wela di e victima, ya cu e ta afirma cu e funcionario a ofrece na acerca e hoben pa e haci algun trabao di scol, pero tras di recore varios caya, a hib’e na un motel di e zona, unda cu aparentemente el a abusa di dje.
Segun e denunciante, e menor a yega riba e dialuna na su cas, kehando di un fuerte dolor y cu algun mancha di sanger y tabata e mesun alcalde kende a manda un pick up pa e adolescente wordo traslada na un centro asistencial.
Apesar di esaki, ainda ta en espera di un pronunciamento oficial di e mandatario municipal, kende lo haci’e por medio di su abogado. E famia di e hoben ya a haci un denuncia formal na e fiscalia y ta en espera di e dictamen di Medicina Legal pa confirma esaki.
Di otro banda, Cambio Radical, partido di cual Villa Mozo ta miembro, ya a comenta al respecto y a pidi e renuncia inmediato di esaki.
Fuente: www.elespectador.com