CARTAGENA, Colombia – E alcalde di Cartagena, Manuel Vicente Duque, a señala e diamars aki cu no ta otorga e permisonan pa e realisacion di “Latin America Adult Business Expo”, e evento cu ta reuni esnan di e industria di porno.
Di acuerdo cu informacion di Caracol Radio, Duque a duna instruccion na e secretario di interior di e ciudad aki, pa no permiti e realisacion y pa nenga e permisonan.
Ademas, ta señala cu tin un comunicacion cu e directivanan di e Centro di Convencion di Cartagena pa no presta e espacio, apesar cu ta wordo premita cu e evento tuma luga den un hotel nort di e ciudad.
“Nos tin cu bisa cu nos no lo bay presta nos Centro Historico, nos no ta bay presta nos ciudad pa e tipo di industria aki. Cartagena mester wordo reconoci pa otro serie di cos, su centro historico tin un balor enorme y nos tin cu protehe di tur tipo di actividadnan asina,” Duque a bisa, den declaracionnan recogi pa e cadena radial.
E pregunta cu hopi a wordo haci den esaki si e alcalde por prohibi un evento cu ta desaroya den un espacio priva. Den e sentido aki, Fernando Niño, secretario di Interior di Cartagena, ta splica cu den e ciudad tin un plan cu accionnan focalisa na preveni, controla y hudicialisa comportamentonan cu ta pone den riesgo e derechonan di menor y preveni delitonan sexual of e induccion na prostitucion.
E ta añadi, ademas, cu e acuerdo 024, cu ta establece e manual di convivencia ciudadana, ta señala cu semper cu publica of invita persona na un evento cu ta priva, mester solicita un permiso na e secretaria di Interior y cu pa su otorgamento mester wordo evalua prome pa un comite di evento y espectaculo y un comite di siguridad, cu autoridadnan distrital y di polis ta participa.
Tras di e prohibicion di e evento di e industria pornografico, tambe ta e gobernador di Bolivar, Dumek Turbay, cu a señala atrabes di su rednan social cu cera porta di e evento aki “ta fortalece e lucha contra e flagelo di turismo sexual y explotacion sexual di menor.”
“E congreso di e industria pornografico cu ta pretende di tuma luga na Cartagena, ta un desacierto pa e ciudad, ta bay den un detrimento di su imagen,” tabata un di e expresionnan di Turbay.
Di un otro parti, e corant local El Universal, a informa cu e pastoor Esteban Acosta, di e iglesia La Uncion, a convoca pa 4’or di atardi, di dia 19 di Mei proximo, un “arodillaton” pa protesta contra di e actividad.
E congreso “Latin America Adult Business Expo” ya a wordo realidad den e ciudad di Cartagena na Juli di 2016 y na dje a asisti streanan di industria pornografico manera e Colombiano Esperanza Gomez.
Na e edicion di e evento aki, lo asisti representantenan di productornan reconoci di porno, manera Chaturbate, Bongacams, Freewebcams, Cam4, Pornhub, Camlicious.
Fuente: El Espectador