Alberto Klabér y Aischal van der Linde di Brazil Taekwondo Stichting a duna un camp training na Venezuela

 

Den fin di siman a tuma lugar na Punto Fijo, Venezuela un camp training organisa pa e presidente di Fundafal y coordina pa ex campeon di Judo, Hamilton Sanchez y dirigi pa Jose Hernandez, presidente di Academia di Taekwondo Jose Antonio Hernandez Barreño.
E camp training a wordo realisa door di un entrevista cu Hamilton Sanchez kende a bin cu e idea pa organisa un camp training na Punto Fijo. E sosten a bin for di Fundefal cu a haci tur cos posibel pa nos di Aruba hiba nos conocimentonan na e Venezolanonan. Un evento cu a orkesta hunto cu Prensa di Punto Fijo y nan locoturnan di Radio. Master Alberto Klabér 5 Dan, Hall of Famer, varios biaha campeon di Hulanda, Brons na Europa, Brons na Centro America y varios otro premionan, mucho hopi pa menciona, presidente di Brazil Taekwondo Stichting, hunto cu Aischal van der Linde Brons Panamericano, campeon di Caribe y varios otro premionan, mucho hopi a menciona a duna e camp training aki. Alberto Klabér y Aischal van der Linde a dividi e grupo grandi den dos pa asina por a duna les di Taekwondo ariba un nivel na e cantidad di atleta. Alberto Klabér a keda masha contento di por a mira un multitud grandi di diferente arte marcial, kendenan a mustra nan interes grandi pa e camp training.
For di diabierna a cuminsa cu e camp training y a termina diadomingo cu entrega di certificadonan, door di Hamilton Sanchez, Aishal van der Linde y Jose Hernandez.

Comments

comments