Diamars ultimo, NV Elmar a tene un conferencia di prensa caminda cu nan a duna algun detaye riba e diferente interupcionnan di coriente cu a bin ta tuma luga desde dia 26 di april ultimo.
Como gerente di operacion n’e compania di electricidad, Albertico ‘Tico’ Koolman, a ofrece un vision extendo riba e panorama compleho di desaroyo y mantencion di e sistema di coriente di Aruba. Su analisis detaya ta mustra riba e retonan persistente y e strategianan innovador cu ta implementando pa garantisa un suministro di coriente confiabel y sostenibel riba e isla.
Evolucion y expansion di e sistema di coriente: Un biahe a traves di tempo
For di su comienso humilde den e decda di 1960, e sistema di coriente a experencia un transformacion notabel. Loke un biaha tabata un sistema simpel y facil di mantene a evoluciona den un red mas compleho y expansivo. Koolman a destaca con e evento significativo, manera e expansion di 1999, a actua como catalisado p’e crecemento y expansion di e sistema, impulsando e necesidad di modernisacion y adaptacion.
Desafio y oportunidad di crecemento acelera
Aunke e crecemento di e sistema di coriente ta un señal di progreso y desaroyo, tambe e ta presenta reto significativo. Koolman ta subraya con e aumento den e kilometrahe di kabel y e cantidad di cliente a pone presion riba e recursonan humano disponibel. A pesar di e desafio aki, a destaca e dedicacion di personal di Elmar pa mantene e integridad y e eficiencia di sistema, a pesar cu e cantidad di nan no a crece cu tempo.
Strategia di mantencion preventivo y maneho di riesgo
Un di e fundeshinan di e strategia di Elmar ta e enfoke proactivo den mantencion preventivo. Koolman a detaya con nan ta priorisa e areanan critico, manera substacion y e transformernan y ta establece programa di mantencion regular pa garantisa nan funcionamento optimo. Fuera di esey, ta resalta e importancia di e maneho di riesgo externo, manera corto circuito causa pa e blaasnan di helium y e necesidad di un planificacion cuidadoso y un disposicion adecua di e obhetonan aki.
Perspectiva di futuro y compromiso cu sostenibilidad
Mirando pa futuro, Koolman ta enfatisa e compromiso continuo di Elmar cu innovacion y sostenibilidad. E ta señala con e inversion den tecnologia avansa y e colaboracion di contratista externo a bin ta habri caminda pa un sistema di coriente mas resiliente y edificiente. Fuera di esey ta destaca e importancia di educacion y e conscientisacion publico den e promocion di practica sigur y sostenibel den uzo di energia.
Durante e conferencia di prensa aki tambe, a discuti e causanan adicional di e interupcionnan conoci, incluyendo e retonan operativo y e factornan externo manera clima y e mal maneho di ekipo di parti di tercero. Fuera di esey, presenta medida specifico cu Elmar ta implementando pa atende y mitiga e problemanan, incluyendo un mayor inversion den mantencion preventivo y e mehoracion di e infrastructura di coriente.
Resumiendo, e desaroyo di e sistema electrico di Aruba ta un proceso dinamico cu ta rekeri un enfoke multifacetico y colaborativo. Cu un combinacion di planificacion strategico, inversion den infrastructura y maneho di riesgo, Elmar ta prepara pa enfrenta e retonan di mañan y lo sigui sirbi comunidad cu un sumiministro di coriente confiabel y sostenibel.