WASHINGTON, D.C./MANAGUA- E reciente sancion di Merca contra di e vice-presidente di Alba di Nicaragua , S.A. (Albanisa), Fransisco Lopez, aunke ta di caracter individual, lo por agilisa e investigacion na Nicaragua di Albanisa. Esaki tin conexion cu Venezuela y El Salvador.
Alba de Nicaragua, S.A. (Albanisa) ta un compania mixto propiedad di e compania petrolero estatal Venezolano, PDVSA (51%) y su socio Nicaragüense Petronic (49%). Esaki a wordo lanta na 2007 como parti di e entrada di Nicaragua na e Alianza Bolivariana pa e Pueblonan di America (ALBA). Su obhetivo inicial tabata di importa, distribui y rafina petroleo ricibi di Venezuela cu condicionnan di pago. haciendo uzo di credito pa genera entrada a traves di iniciativanan empresarial pa paga e debe pendiente.
E investigador Mericano Douglas Farah a bisa cu, despues di e sancionnan impone pa medio di e Ley Global Magnitsky Act, riba Lopez , e ta sigur di cu “nan lo bay amplia y agilisa e investigacion di Albanisa”.
Lopez ta wordo señala di ta un di e substituonan di presidente Daniel Orgega y su casa, vicepresidente Rosario Murillo.
Pero ademas, Lopez ta wordo relaciona cu negoshinan cu ta desaroya e amparo di e cooperacion Venezolano.
Pa e ex vice- gerente di Albanisa, Rodrigo Obregon, cu a bandona e empresa na 2013, e negoshinan priva aki di e tesoreronan di e partido di gobierno lo a yega na su fin cu e sancion y lo afecta e famianan di e funcionario directamente. Motibo di esaki ta cu e Ley Magnitsky ta castiga e subsitutonan di e personanan castiga.