ANTANANARIVO, Madagascar – Casi 850 mil persona den e parti zuid di e isla di Madagascar ta pasando den hamber debi na e secura cu ta reinando. Nacionnan Uni ta papia di un situacion alarmante cu ta menasa di bira un catastrofe.
E programa di alimento mundial di Nacionnan Uni, a bati un alarma diahuebs pasobra gran parti di e poblacion no tin nada mas di come cu ta fruta silvestre. Hopi hende ta bende nan tereno of tur loke nan tin pa asina nan por tin placa pa cumpra cuminda. E siguiente cosecha di e pais apenas por wordo haya pa otro aña na Maart.
Mas of menos 90 porciento di e poblacion di henter Madagascar (23 miyon di hende) ta biba di rond di 1,80 Euro pa dia. Mita di e muchanan ta cronicamente malnutri y debi na esey nan tin problema cu crecemento. E fondo di mucha UNICEF di Nacionnan Uni ta bringa pa mas ayudo.
Fuente: ANP