Den oranan di mainta a bati alarma pa un cas na candela na San Nicolas.
Ta trata di e percela Diamanbergweg 1F. Mesora a manda unidad di Polis como di Brandweer. Por bisa cu e patruya a yega hopi lihe na e sitio, pero no a nota nada di candela.
A papia cu e habitante, kende a bisa cu enberdad tabatin un candela, pero el a reacciona hopi lihe cu slang y hemcho di awa pa evita cu e candela pa plama pa resto di e cas.
Bomberonan cu mientrastanto a yega na e sitio, a dicidi di baha pa wak cu tur cos ta na ordo. Pero tambe traha un rapport di con e candela a surgi.