Gobierno di Peru a adverti diaranson cu mas di 65% di e patrimonio cultural di e pais Andino ta na riesgo pa un temblor di gran magnitud of otro fenomeno of desaster natural.
Mayoria di e structuranan ta enfrenta reto manera degradacion, falta di mantencion di e infrastructura, deterioro door di e transcurso di tempo, inundacion, awasero, entre otro, e Ministerio di Cultura a apunta den un nota di prensa.
N’esaki, nan a activa e “Plan di Accion pa riesgo door di temblor den e Patrimonio Historico inmueble na nivel nacional 2024-2025” pa articula e accionnan cu ta permiti reduci e peligernan.
E proyecto ta consisti di tres fase: reduccion di riesgo a traves di asistencia tecnico na funcionario, propietario y administrado; un etapa di respons pa activa protocol 48 ora despues di e siniestro; y e recuperacion pa interveni den e structuranan declara patrimonio cultural.
Peru tin conta 4863 structura construi despues di e epoca prehispanico cu a wordo declara Patrimonio Cultural di e Nacion. Di e grupo aki, Lima tin e mayoria (1255) y 3160 ta minumento construi durante e epoca virreinal.
