Diabierna den careda di 3:45 atardi autoridad ta keda informa cu algun persona a mira un avioneta basta abou na Spaans Lagoen, Pos Chikito banda di Nautical y no sa si esaki a cay den lama. Ta un persona di Casa Cuna a mira esaki ora cu un mucha a mira persona cu maleta den man ta cana banda di e avion bay direccion noord. E personal di Casa Cuna tambe a mira e avion, y e hendenan ta cana bay nort. Patruyanan cu urgencia ta presenta na e sitio y cuminsa busca mas informe, un agente policial tambe di leu ta wak e avioneta y ora a yega cerca a tuma nota di uno banda di nautical cu ta un avioneta cu tin cu zink pa Palm Island. Hendenan lo a mira bulto ta drief den lama y a pone cu kustwacht y maritiem tambe drenta accion pa wak si ta topa cu bulto pero tabata boei. Durante un buskeda profundo puntrando hendenan riba lama y na tera nan no a wak nada. Airpor tambe a notifica cu nan no tabatin nada di avioneta bulando y cu por a raporta di a cay. Prome cu 5 or atardi a cancela e alarma aki completo, asina Polis, Ambulance y brandweer ta sigui nan caminda.