Diamars den careda di 5:05 atardi informacion a drenta cu e avion di dividivi cu a lanta vuelo 5:00pm pa Curacao DVR279 y den 6 minuut den halto alarma a activa debi na huma den cockpit
E no tabata leu di pista y e avion a baha sin ningun problema, tabata un vuelo pa Curacao. A activa e alarma di local standby di biaha na Cuerpo di Bombero, unda e personalnan a activa di biaha subi truck.
Momento cu e avion a aterisa e piloto a cancela e alarma debi cu a constata cu no lo tabatin nada di huma mas. Brandweer a sali tog fo’i nan post staciona na Brandweer y a bay te pariba di pista pa tira un inspeccion cu e piloto. A constata cu no tabatin nada di alarma y a duna luz berde cu tur cos ta mustra di ta bon cu e avion.
Asina e bus por a yega n’e avion pa busca e pasaheronan di nobo pa un standby.
