Alan Howell (POR): Ta un placer pa traha pa San Nicolas

Parlamentario di partido POR, Alan Howell cu sumo placer ta sigui trece bon noticia pa San Nicolas, e biaha aki ta relaciona cu mehoracion di mas caretera.
Asina el a bisa cu entrante dialuna 6 di mei e caya completo di Juana Mortostraat, ta wordo raspa y asfalta completamente di nobo.
Howell ta indica cu pa hopi aña e pueblo di pariba a pidi esaki y awo ta cumpliendo. Pero esey no ta e final, dentro di poco caya di Diamantbergweg lo ta e siguiente na turno mehorando di e forma aki e infrastructura di caretera di pariba di nos isla, mescos cu otro barionan rond Aruba.
Alan Howell ta gradici Minister Otmar Oduber y DOW pa scucha peticion di nos hendenan y cumpli cu nan tambe.

Comments

comments