ABUJA, Nigeria- Un explosion mortifero a tuma luga diamars mainta den un mezkita di e ciudad di Mubi, noordoost di Nigeria. Segun e corant Daily Post, ta trata di un atake suicida cu explosivonan perpetra durante e oracion matutino.
Un comunicado di e gobernador di e estado, Umar Jibrilla Bindow, ta condena e “acto di crueldad ocasiona door di criminalnan den un intento pa destrui un paz cu a wordo consegui cu hopi dificultad”. E gobernador a pidi “pa e habitantenan mantene nan mes calmo”, sigurando cu e siguridad a wordo restableci na Mubi.
Segun Reuters, gran parti di Adamawa a wordo ocupa door di e movimento terorista Boko Haram na aña 2014, pero el a wordo libera na comienso di 2015. E atentado nobo aki ta parecido na estilo di e grupo aki, afilia na e Estado Islamico. Pero niun di su integrantenan no a reindivica esaki (ainda).
Fuente: https://actualidad.rt.com