SUMATRA , Indonesia- Al menos 48 persona a resulta herida y mas di 330 cas a sufri daño door di un temblor di magnitud 5.4 cu diahuebs a sacudi e west di e isla Indones Sumatras, segun fuentenan oficial a informa.
E temblor tabata tin un duracion di tres seconde y a afecta cuater pueblo di e municipio Solok Zuid, den e provincia di Sumatra Occidental, e vocero di e Agencia Nacional di Gestion di Desastre, Sutopo Purwo Nugroho a señala.
E Servicio Geologico di Merca (USGC) cu ta registra actividad sismico mundial, a informa cu e epicentro tabata situa na 10 km bou di e nivel di lama, cerca di e limite cu e provincia di Jambi (west di e archipielago Indones).
Sutopo a agrega cu nan a establece campamentonan y a cuminsa recopila provisionnan pa atende decenas di famianan cu a keda desplasa despues di e desaster.
Indonesia ta situa den e asina yama “Pacific Fire Ring”, un zona di gran actividad sismico y volcanico unda cu cada aña cerca di 7 mil temblor ta wordo registra, mayoria di nan ta modera.