FLORIDA, Merca- Autoridadnan di e condado di Palm Beach a informa cu al menos 25 persona a worod deteni pa violacion di e toque de queda cu a drenta na vigor diasabara. Esaki tabata un medida di precaucion door di e pasada di horcan Irma.
E detenidonan lo por ricibi un boet di 500 dollar y hasta 60 dia den prizon.
Segun e oficina di e fiscal di e condado, Dave Aronberg, 25 persona a wordo deten
Segun e corante Sun Sentinel, e cifra di personanan cu no a cumpli cu e orden lo por subi, door cu e oficina di Comisario di e Condado Palm Beach tin un total di 43 persona deteni pa a viola e orden.
Algun condado ainda tin e toque de queda cu ta keda na vigor te un proximo aviso.
E yegada di horcan Irma, di categoria 4 na Florida a obliga autoridadnan pa emplea medidanan di siguridad special, door di e peliger cu e bientonan fuerte ta representa y e olanan halto cu ta pone cu e nivel di lama ta subi te cu 3 meter y cu a causa inundacionnan den algun zona costero.
E wowo di Irma a toca e caynan di Florida diadomingo y na su paso a laga varios area inunda cu matanan benta abao. Al menos tres persona a muri como consecuencia di e paso di Irma na Florida.
Fuente: http://www.excelsior.com.mx/