ÁMSTERDAM, Hulanda – E fabricante di pintura Hulandes, Akzo Nobel, a rechasa dialuna un di tercer propuesta di adkisicion di PPG Industries, lagando e den man di su rival Mericano di mayor tamaño e decision di manda un oferta formal sin e apoyo expreso di e directorio di Akzo of desisti di e operacion.
E di tres oferta di PPG ta balora Akzo den 26.300 miyon di euro (28.800 miyon di dollar), debe inclui, pero e compania Hulandes a bisa cu e propuesta ta demasiado abao, cu ta enfrenta riesgonan regulatorio di competencia y cu no a aborda e aspectonan como e “diferencianan cultural.”
PPG tin un apoyo importante entre e accionistanan di Akzo. Pero e oposicion di su directorio, di politiconan Hulandes y di bon parti di su personal na Hulanda, ta presenta algun dificultad cu PPG lo tin cu logra prome cu dia 1 di Juni, dia cu e plazo pa presenta un oferta formal of desisti di e compra durante por lo menos seis luna, lo finalisa.
E acuerdo lo combina e dos mayor fabricantenan di verf y rebestimento di mundo. PPG ta calcula cu e por logra spaar 750 miyon di dollar danki na e factornan como e economianan di escala den e produccion y reduccion di e costo di insumonan.
Un grupo di accionista di Akzo Nobel, lidera pa e fondo di alto riesgo Elliott Advisors, tabata poniendo presion pa e debati un fusion cu PPG, pero e empresa Hulandes a bisa dialuna cu nan no lo drenta den discusion cu e compania Mericano riba e oferta actual.
“E propuesta di PPG ta subvalora na AkzoNobel, ta contene riesgo y incertidumbrenan significativo, no ta haci compromiso substancial cu e partinan interesa y ta demostra un falta di entendimento cultural,” e presidente ehecutivo di Akzo Nobel, Ton Buechner, den un comunicado.
Reuters a publica diamars ultimo cu Akzo lo a bay rechasa e ultimo oferta di PPG, realisa dia 24 di April. E accionnan di Akzo a cay dialuna un 2,52 porciento na 77.38 Euro pa 12’or y 1 di merdia.
Fuente: Reuters