E Algemene Inlichtingen -en Veiligheidsdienst AIVD al parecer no ta mira e risico grandi cu e crisis na Venezuela ta representa pa islanan ABC.
E crisi na Venezuela casi no ta wordo menciona den e informe anual di Servicio di Inteligencia di Hulanda, cual a wordo presenta diamars. Si nan ta di acuerdo cu e fluho di migrantenan cu ta yega e islanan aki tin su consecuencianan pa nan stabilidad.
“Na otro banda di mundo, e pais bisiña di Reino Hulandes, Venezuela, ta pasando den un crisis pisa. E situacion deplorabel den cual e pais ta sumergi, tanto ariba nivel politico como economico, ta pone e poblacion den un situacion extremadamente serio. Esaki a trece cun’e un gran cantidad di refugiadonan, cual ta tin su consecuencianan pa e stabilidad di e area dentro di Reino, Aruba, Bonaire y Corsou”. Asina ta para den e relato anual di AIVD.