E siman aki ta e Airport Safety Week pa cual Sr Hendrik Croes, vocero di Aruba Airport ta splica mas pakico ta importante pa duna charla na e trahadonan cu ta mas di 1500 trahador.
Full e ekipo di Airport a traha hunto pa asina hinca un programa nobo den otro, caminda cu tur trahado lo haya un charla di refreshment, tocante con safe abo ta traha, con e environment ta y con ta haci pa mantene e nivel di siguridad na Airport na halto.
E siman cu ta wordo prepara ta wordo atendi pa tur esunnan cu ta traha na Airport, no ta solamente esunnan di Triple A NV pero tambe e aerolineanna, tur partnernan na Airport cu tin acceso,
Lo tin Denny Diboel di Rotterdam Airport, specialmente pa Siman di Siguridad unda e lo comparti experiencia di Rotterdam riba e aspecto di siguridad di candela. Como airport bo ta beneficia. Aruba ta hopi bon den sentido cu no ta haya hopi accion unda e aspecto di siguridad ta bin na peliger. Pero na airport mas grandi esaki por pasa mas frecuente y esey ta importante pa comparti informacion y e manera con nan ta deal cu situacionnan asina.
Otro aspectonan tambe ta manera enemigonan di siguridad. Ora tin un menasa di bom, kico pa haci. Topiconan aki ta importante, ya cu no ta tur dia bo ta haya e situacionnan aki y bo mester un momento pa para keto y corda kico tur bo mester haci.
Durante full e siman lo bay mustra esunnan cu ta traha specialmente ariba e parti di airside. Tin hopi construccion ta tumando luga y kico esaki kiermne pa e aspecto di siguridad. Ora cu e consturccion keda cla, kico e ta nifica pa nan. Ta importante pa comparti informacion cu cada un cu ta traha na Airport.
Tin un lista di henter e siman mas o menos cuater sesion ta tuma luga diariamente, unda tur esunnan cu ta traha na Airport lo participa.