Geneva, SUIZA- Cada aña e ambientenan contamina ta causa morto di casi 1.7 miyon mucha bou di 5 aña, segun un informe di e Organisacion Mundial di Salud (OMS).
E causanan ta inclui awa contamina, falta di saneamento, falta di hygiene y contaminacion interior y e aire liber. Esaki ta e causa di un di cada cuatro mucha entre 1 luna y 5 aña di edad.
E estudio a destaca cu e causa mas frecuente di morto infantil ta evitabel a traves di intervencionnan cu ya ta disponibel den e comunidadnan mas afecta. E causanan aki ta diarea, malaria y neumonia, cualnan por wordo preveni mehorando e acceso na awa potabel.
E aumento di e sushi electronico y electrico tambe ta un preocupacion, segun e informe. Si esaki no wordo desecha na e manera adecuado, e ta expone muchanan na cosnan toxico cu por perhudica nan inteligencia y causa deficit di atencion, daño na pulmonnan y cancer.
Otro preocupacion cu e Organisacion Mundial di Salud tin ta tambe e cambio climatico, e aumento di temperaturanan y e nivel di dioxido di carbono y casonan di asma. Ta wordo calcula cu 44% di asma infantil na mundo ta relaciona cu exposicionnan na medio ambiente.
Fuente: cnnenespañol