Si wak e datonan, toch AZV ta satisfecho cu mayoria asegurado ta cumpli pa percura cu no solamente corda ariba derecho di AZV, pero tambe e obligacion. Sra. Solange Tchong ta splica.
E asegurado mester zorg pa su documentonan di AZV ta na ordo y ainda falta 8613 persona pa renoba nan zorgpas, y ya caba ta yegando fin di Augustus. Den e ultimo kwartaal di 2017 ainda esakinan mester renoba nan zorgpas. Aki Sra. Tchong ta referi na e gruponan di hendenan naci na Aruba di nacionalidad Hulandes, cu mester bin renoba, pero tambe di personanan cu entretanto a inscribi y tin nan permiso vigente, mester renoba e zorgpas a base di nan permiso.
Ki miho manera di haya sa di mester renoba bo zorgpas, ta di controla bo zorgpas y wak si abo ta un di e personanan cu mester bin renoba. AZV a haci diferente yamada via di prensa, pero un biaha mas ta haci esaki. Si mester wak e cantidad di servicio cu AZV a duna, e cantidad di servicio ta 29800 servicio duna nan cliente. Ora wak esaki mester tene cuenta cu e ta varia. E por ta inscripcion di un baby of e renobacion di un zorgpas.
E trayecto di Censo hunto cu AZV ta di traha di cerca cu Censo, unda tur dia AZV ta ricibi un database di Censo, unda nan por controla e inscripcion di cliente, pero mas importante ta, wak cua ta e aseguradonan cu a schrijf uit. Ta asina cu AZV ta bezig cu esaki, nan tambe ta wak diariamente cuanan ta esunnan cu ta wordo uitgeschreven for di Censo y e personanan aki, loke AZV ta avisa pa tene cuenta cu si bo wordo saca di e registracion di Censo, esey ta sosode tambe na AZV, ya cu bo no ta cumpli cu e ley di AZV, di ta inscribi na Censo.
Segun Sra. Tchong, di AZV, cu na varios ocasion pa percura pa nan datonan ta corecto y debidamente registra na Censo, AZV ta avisa pa tuma nota ya cu na su turno, door di traha hunto cu Censo, nan ta saca e nomber na momento cu Censo a haci esaki. Importante ta pa e cliente sa pa e bin na remarca bek pa AZV lo bo mester meld bek na Censo, registra cumpli cu esey, e ora bo por registra bek na AZV.
Un servicio mas moderno cu tin awo, ta door cu AZV ta den colaboracion cu Censo, mas cu claro na momento cu ya bo a regla tur cos na Censo e servicio na AZV ta mas lihe ya cu no necesariamente mester bin cu e papel di Censo, segun Sra. Solange Tchong, vocero di AZV.