Sra. Josette Daal, directora di SKOA, ta elabora rib’e decisionnan cu lo wordo tuma despues di e demolicion di Colegio Frere Bonifacius.
Ministerio di Enseñansa lo sinta hunto Raad van Toezicht pa determina kico lo ta e siguiente pasonan cu lo wordo tuma pa cu e edificio nobo cu lo wordo construi. E plannan ta keda cu pa otro aña e alumnonan wordo pasa bek p’e tereno aki. E directora ta spera cu por logra esaki p’e siguiente aña escolar di 2019.
Sra. Daal tambe ta duna di conoce cu e alumnonan y docentenan di St. Aloysius School ta den proceso pa muda na un otro edificio p’asina tambe basha e edificio bieu abou y cuminsa cu e proceso di reconstruccion.