Scolnan primario lo habri bek dialuna, pero e pregunta ta keda ainda con exactamente ta bay maneha esaki. Ainda tin hopi discusion tocante esaki awe, na Den Haag y otro partinan di Hulanda. “Por ehempel nos kier wak cua medidanan ta mandatorio y cua ta conseho,” vocero di PO Council, asociacion di scolnan den educacion primario a bisa. “Tur hende ta consultando cu tur partido aworaki, e ta tog un situacion serio.”
Nan ta purbando di tin un contesta pa mayan diaranson riba con lo maneha e situacion aki, y con lihe esaki bay ta depende na minister di educacion y e gabinete, pasobra ta nan tin cu dicidi. Nan ta mirando e posibilidadnan riba kico por y kico no por. Den caso di un studiante infecta, e crisis team di Hulanda ta recomenda pa test henter e klas y manda nan cas pa un par di dia. Ta sugeri tambe limitacion di contacto entre studiantenan pa por ehempel tin nan trahando hunto den gruponan chikito.
Docentenan y otro empleadonan den enseñansa ta urgi pa bini cu un claridad den esaki pronto y tur detayes riba e medidanan cu lo wordo tuma. “Mayoria ta prefera di tin un klas yen di studiante atrobe pero lastimamente esaki no lo por,” segun Aob director, Jelmer Evers.
FUENTE: NU.NL