Mirando cu for di dia 13 di October, Gobierno a cera un compromiso cu Comision ProSiguridad y ainda nos no a haya contesta ariba e acuerdo aki, como tampoco ariba nos manifiesto; nos comision a dicidi di acudi na nos Parlamento, pa urgi nos dirigentenan enfoca nan atencion ariba siguridad.
Considerando cu Parlamento a tratando presupuesto di finansas di 2017 y nos no a tende nada di un nota di cambio pa aumenta presupuesto pa husticia cu 10 miyon, nos ta acerca e organismo aki di nos pais Aruba pa actua manera ta coresponde.
Ta pidi Parlamento como e instancia cu mester controla Gobierno, pa yama Minister Dowers pa rindi cuenta pa loke ta referi su maneho di husticia. Esey ta parti di e trabou di Parlamento di Aruba.
Criminalidad no a stop; atraco, hortamento di auto, kiebro den negoshi y ilegalidad ta sigui. Comerciante y ciudadanonan ta sufriendo cu insiguridad, e pregunta ta: te cu ki dia nos tin cu sigui soporta e situacion aki?
Comision ProSiguridad, un biaha mas, ta haci yamado na Gobierno di Aruba pa haci di nos siguridad un PRIORIDAD.