Tin diferente discusion riba diferente topico den comunidad, y un di nan ta legislacion di cannabis cu ta keda un tema di hopi sensitivo. Sr. Ricardo Croes, parlamentario pa partido RED ta amplia.
Sr. croes a bisa cu nan ta bou di impresion cu Aruba ta cla pa aprobacion di Cannabis (marihuana), y el a splica cu minister di Enseñansa, drs. Rudy Lampe lo a expresa cu Aruba ta cla pa legalisacion di Cannabis. El a sigui splica cu como gobierno, nan tin e responsabilidad riba e area educativo pa informa pero tambe educa pueblo, riba otro e tema di uzo di cannabis.
Sr. Ricardo Croes a sigui bisa cu Minister di Educacion Sr. Lampe a bay como invitado na un conferencia na Santa Martha, Colombia unda cu posiblemente esaki lo tabata un di e tema cu ta bay wordo trata pa Minister. Den todo caso Gobierno di Aruba no a tuma ni un decision pa cu legalisacion di uzo di cannabis na Aruba aunke den e sentido aki Sr. Croes a expresa cu den caso e lo ta papia di e uzo riba un concepto medicinal y no recreativo.
E gobierno di coalicion aki a bay di acuerdo pa legalisacion di cannabis medicinal pero gobierno ta haciendo e investigacion riba diferente ramo manera economia, medicina, agricultura, importacion entre otro anto e tema di cannabis no lo keda afo, unda cu por aprecia den desaroyo internacional, pregunta ta kico Aruba ta warda?
Mas aleu Sr. Croes a bisa cu nan tabata tin un reunion cu AHATA, Sr. Ricardo Croes a splica tambe e comision tanto di finanzas economia y turismo, tur a bay di acuerdo pa un posibel legalizacion, pero nan no a defini si ta esun medicinal of e recreacional. E sector di turismo cu ta e unico pilar di nos economia, ta bou di e impresion ey.
Siman pasa, Organisacion Mundial di Salud, despues di un estudio largo, a saca un articulo unda cu nan ta bisa cu nan no ta considera cannabis un droga mas, pero un medicina. Tin hopi otro, door cu nan ta sirbi interesnan farmaceutico, tin otro rapportnan.
Pero e ora ta e mesun wega cu ta tuma luga dne politica, un ta bisa A y e otro ta bisa B. Si Sr. Croes ta contento cu’n organsiacion cu credibilidad manera WHO, y Nacionnan Uni, cu ta organisacionnan na nivel mundial cu tratadonan y pa decisionnan, kico ta bon pa e mundo aki, a yega na e punto pa bisa cu cannabis tin propiedadnan medicinal, y cu e mester wordo saca for di schedule di droga. Na e momentonan aki, Hulanda su programa di gobierno ta encera un legislacion di droga en general, pero Auba y otro islanan den Reino, tin cu keda atras, kier cura e cabrito den Reino Hulandes. Pero Hulanda tin su programa di gobernacion asina ey, of ta bay inventa e wheel? Suramerica y Norteamerica, islanan den Caribe, Jamaica y Puerto Rico, tur ta legalisa cannabis, segun Sr. Ricardo Croes.