Ahuste na airconan di e bus nobo ta kedando cla y e compania di Brazil ta para responsabel

Cesar Tromp di Honda Aruba den un entrevista a duna di conoce cu nan ta den e ultimo final pa loke ta e busnan pa keda entrega na Arubus. Den e ultimo tecniconan cu a sali siman pasa pa repara e problema di airco y ya tin dos bus cu lo keda entrega e siman venidero y e otronan lo bay ta den fase. Sr Cesar a bisa cu nan tecniconan ta trahando pa haci e ahustenan cu mester keda haci y asina entrega e prome shete busnan.

Sr Cesar a comenta e situacion real cu a pasa cu e busnan ta cu e fluho di e aire y mester a haci ahuste debi na e clima di Brazil y Arubus ta otro debi na e piezanan a bin chikito y e compania mes di afo ta na Aruba pa traha riba esakinan y algun cos chikito mas cu mester keda cambia y tambe e temperatura cu Arubus ta pidi y ta cumpli cu esaki. E busnan tin garantia Sr Cesar a menciona y e producto ta wordo entrega bon na Arubus. Loke ta pasando awor aki ta den man di e compania di afo mes y no ta den nos man y nan kier pa tur e busnan keda entrega bon, tabata tin un contratiempo chikito y esaki ta kedando cla. Tur e gastonan aki ta responsabel di Brazil y nada cu Aruba tin paga e gastonan. Algun tecnico di nos tambe a yuda e tecniconan di Brazil pa haci e trabou cana mas lihe.

Pa loke ta e camindanan di Aruba ya a core e busnan caba rond nos isla pa haci e testnan necesario y e bus haltenan.

Comments

comments