Segun CEO di ATA, Ronella Tjin Asjoe-Croes, un fundacion a wordo lanta mas cu dies aña pasa, esta Aruba Hospitality and Security Foundation. Esaki ta netamente pa percura pa aspectonan di siguridad cu ta toca turismo mas directo, cu esakinan ta haya e atencion necesario.
E fondo te cu 2010 tabata wordo financia pa medio di AHATA, pa medio di fondonan di roomtax cu nan tabata colecta riba nan mes. Desde 2011 ATA ta financia e fondo. Tabata parti di e acuerdo conforme di institucion di Aruba Tourism Authority Sui Generis. Incluso cu a tuma over e fondo, cu ta un total di 720 mil pa aña. Incluso por bisa cu e aña aki den presupuesto, a presupuesta 5 miyon pa e fondo eynan, pa asina yuda na un manera mas pisa cu tur e necesidadnan cu tin den e area aki, esta ATA y atrobe, ta danki na e modelo financiero cu ta permiti, cu segun nan ta sigui crece den e indicadornan, den cantidad, den entrada. Entrada como ATA tambe ta keda crece. Esey ta permiti nan pa duna un tiki mas atencion na e experiencia, na e destino Aruba. Esey ta bin ta haci tiki tiki, pero e importancia a wordo duna na siguridad y ta wordo duna na siguridad. Por bisa cu e fondo aki ta wordo maneha door di un hunta cu ta consisti door di AHATA, hotel, polis, ta bin door di e fondo eynan. Nan ta bin hunto, ta traha un plan, ATA ta aprob’e. Por ehempel Visibility Team, vestnan pa polis, entre otro. Asina tin otro proyecto tambe cu ta bay den e fondo aki. En retorno ta sigura tambe cu polis ta duna atencion na e areanan turistico. Pasobra esey ta e intencion tras di e fondo aki.