Aruba Hotel & Tourism Association (AHATA) a haci un donacion di 52 set di cuchiu di e marca profesional Hendi na studiantenan di prome aña di e programa culinario di EPI HORECA. Adicionalmente, a entrega t-shirt di e campaña “Ami Ta Turismo”.
Presidente y CEO di AHATA, Sra. Tisa LaSorte, a haci e donacion aki den presencia di alumnonan y facultad di EPI HORECA. Como un organisacion di dunador di trabou cu ta traha pa e sostenibilidad di Aruba su turismo y economia, AHATA ta trahando continuamente pa sostene e sector di enseñansa y yuda sera e “gap” entre educacion y e mercado laboral cu diferente iniciativa.
Cu e donacion di hermentnan culinario di calidad halto, AHATA ta inverti den nos talentonan local y ta spera di inspira e alumnonan pa sigui nan soño culinario cu motivacion y dedicacion completo.
