E organisacion di hoteleronan AHATA no tin nada contra cu esnan cu ta huur apartamento cu bishitantenan. Pero si nanta boga pa nan cumpli cu e mesun rekisito cu hotelnan, cu ta importante entre otro tambe pa e control di calidad.
CEO di AHATA Tisa LaSorte, tin miembro di e sector di apartamento y no ta mira nan como un competencia. Ta normal cu den mundo di turismo mester tin un variacion den tipo di acomodacion pa esnan cu ta bishita Aruba. “Cada bishitante tin su preferencia y esey ta normal. No ta mira cu e porcentahe aki ta mas halto di loke e tabata e ultimo añanan.”
LaSorte a splica cu mester un reforma di e ley cu ta controla e sector ey. Tin diferente ley y no un solo ley pa controla e area ey.
Loke si AHATA ta boga p’e ta cu e rekisitonan mester ta igual, mirando cu nan ta den e mesun sector. Nan mester paga nan impuestonan y cobra e turistanan e mesun impuesto cu hotelnan tambe ta cobra y mas importante, nan mester tin tur permiso na ordo. “Esaki ta importante pa control di calidad di e producto. esaki falta ainda.”
LaSorte a splica cu mester un reforma di e ley cu ta controla e sector ey. Tin diferente ley y no un solo ley pa controla e area ey.
AHATA ta preocupa pasobra no sa ki momento ta yega den un operacion cu no ta perde placa. P’esey ta hopi importante e reformanan cu Aruba a bay di acuerdo caba cu nan den e fiansa cu Aruba a ricibi di Hulanda.
E organisacion di hoteleronan ta enfoca riba futuro. Pronto lo habri su portanan pa cuminsa huespednan Radisson Blue (Aqua Blue), mientras cu Embassy suites ta den renobacion y Sint Regis ta bou construccion. Nan mes no a haya informacion, pero a tende cu esun di Zsero Colorado ta bay cuminsa construccion.