Rol di AHATA den e proyecto di control di criadero di sangura ta di conscientisa tocante esaki y lo bay sigui traha hunto cu Departamento di Salubridad, segun Sra. Vanessa Rasmussen di AHATA ta splica.
AHATA ta conscientisa negoshinan tocante e importancia di no tin muskitanan of areanan cu por trece e broeinan di e muskitanan. Y AHATA lo sigui traha cu e departamento di Salubridad pa cu esaki, p.e. dialuna dia 27 di Maart, lo tin un workshop cu ta wordo duna door di e departamento di Salubridad na e companianan cu ainda no por haya e certificado, pero cu si nan ta den proceso.
Falta di informacion, falta di mas campaña of e boluntad di empresanan of un combinacion mester bin dilanti, pa evita criaderonan. Pero Sra. Rasmijn ta kere cu si pone un poco mas esfuerso pa preveni e breeding sites, esaki ta posibel. Pero e no ta solamente e negoshinan cu mester tene cuenta cu esaki, pero tambe e comunidad en general, y si ta preveni den un area pa no tin un breeding site, pero toch den otro area tin muskita toch e ta afecta tur hende.
Turistanan no solamente ta keda den hotel, pero ta bay full rond di nos dushi isla. Dus e ta keda na tur como ciudadano den e comundidad, pa wak rond di casnan, pa papia cu bisiña pa make sure cu den bario no tin mas breeding site, pa evita mas problema.
AHATA lo sigui reuni cu Departamento di Salubridad, y AHATA semper tabata envolvi den esaki y lo sigui traha cu nan tambe, segun Sra. Vanessa Rasmussen ta finalisa bisando.