AHATA ta sumamente contento cu e iniciativa cu e medida di plastic. Nos no por sigui haci uzo di plastic cu no ta necesario. Tin otro opcion cu no ta dañino pa nos medio ambiente. Nos no mester warda te ora e ley bin na vigor, cuminsa for di awo caba pa nos custuma di uza e material recicla.
Na AHATA nos ta keda duna informacion na nos miembronan tocante e leynan cu ta bin na vigor. Tin algun miembro cu n ta uz a e straw di plastic of no ta duna e straw te ora e cliente mes pidi pa un. Pero ta dun’e un di papel of di sucu.
AHATA ta di opinion cu tur negoshi tin cu haci esaki. Paso e no ta un responsabilidad di un grupo pero di nos tur y hunto nos por logra haci un diferencia mas grandi.
Por logra un cambio mas lihe si p.e. baha e import duties pa producto alternativo cu na e momento aki ta basta halto.
AHATA su comision di miedio ambiente ta haci reunion mensual cu e miembro di comitee di e miembronan di AHATA. Nos ta comparti ‘’best practices’’ e practicanan di mas optimal. Por ehempel nos ta invita 1 pa 2 miembro, pa nan conta kico nan ta haci tocante reduccion di coriente, awa of plastic.
Ultimo biaha cu AHATA a organisa esaki tabata 2 siman pasa. E practica di mas optimal cu nan a comparti tabata e sistema computarisa pa comunicacion entre e departamentonan. Asina bo ta evita e desperdicio y mal uzo di papel.
Otro ehempel ta e uzo di awa di lagoen pa muha mata na hotel.
Kico por haci tocante e saconan di plastic grandi ? Por yena esaki nan completamente yen y asina minimalisa e uzo di e saco grandi. Otro opcion ta ; haci uzo di e saconan biodegradabel.
E departamento di medio ambiente ta trahando riba nan website.
AHATA ta di opinion cu e mensahe tin cu bay pa tanto adulto como hoben. Hubentud ta birando mas consciente y e adulto tin cu duna e bon ehempel.