Hunta di Directiva di Aruba Hotel and Tourism Association (AHATA), a tuma nota di e declaracion di S.H. Parlamentario J.H. “Endy” Croes publica den BonDia Aruba di dia 17 di juli2018, tocante alocacion di fondonan di ATA.
Segun AHATA, nan ta aprecia e responsabilidad di Miembronan di Parlamento pa sigura cu ta aplica e proceduranan corecto den tumamento di decisionnan denentidadnan manera Aruba Tourism Authority (ATA).
Sinembargo, ya cu S.H. Parlamentario J.H. “Endy” Croes ta menciona AHATA den su declaracion, ta bon pa AHATA aclaria lo siguiente;
1. A base di ley AHATA por nomina 3 candidato den e Hunta di Supervision di ATA pa consideracion di Minister di Turismo. Despues, e Minister di Turismo tanombra e miembronan di Hunta di Supervision di ATA pa medio di un Landsbesluit.
2. Conforme cu e ley y reglanan di “good governance”, e miembronan di Hunta di Supervision di ATA ta miembronan independiente cu responsabilidad proprio. Nan mester tene nan mes na reglanan di confidentialidad, irrespectivo ken a nomina nan.Decisionnan ta tuma lugar den seno di Hunta, sin participacion di AHATA.
3. Cada un di e miembronan den e Hunta di Supervision, inclusoesunnan nomina dor di AHATA, ta eyden representando nan propio conocemento y experiencia y como tal ta tuma e decisionnan den forma individualy en coneccion cu interes di ATA y Aruba.
4. AHATA ta representa 100 compania cu ta brinda servicio den turismo na Aruba, no solamente 13 hotel. AHATA su meta ta pa sigura exito sostenibel di e sector.
AHATA ta spera di a aclaria e rol di AHATA den nombramento di e Hunta di Supervision di ATA.
E carta ta firma pa Sra. Tisa La Sorte, CEO y Directora di AHATA.