James Hepple, tin hende ta pensa cu e visa for di Colombia no mester a wordo removi. Pero tin un cantidad di turista for di Colombia ta keda na famia of conoci y tin un potencial grandi. E tin un cantidad di hende cu manera y tin potencial. E ta economicamente bon para.
AHATA ta mira riba Mexico, pero ta pensa cu Aruba no ta cla pa Mexico ainda. Argentina ta mustra bon crecemento den 2016. Tin un sentimento cu Brasil por rebound mirando cu su historia ta hopi inpredicibel. E problema cu e dollar Canades ta cu e ta stabilisa riba mas of menos 0.75 cent di dollar Mericano, cual ta haci Aruba caro y no lo ta cambiando a corto plaso.
Tambe tin algun issue cu Europa. E euro, Brexit, Reino Uni y e caida di balor di e pond. A mira airliftnan adicional for di Europa, pero ta dificil pa haya.
Consecuentemente ta bin bek na e hecho cu e potencial ta keda na Merca. Si ta sigui crece pa trece e bishitante afluente, mester sigui traha riba negoshinan na Merca.
Segun Hepple, Colombia ta ofrece hopi oportunidad, awo cu e visa no tey mas, pero no ta compara cu Merca, pero si e ta ofrece hopi oportunidad.
Ta papiando cu Avianca, kendenan ta yuda hopi y ta buscando manera pa bin cu airlift adicional y tambe Wingo a cuminsa bula, como tambe Copa cu ta bin for di Panama. Tin algun oportunidad eynan, pero na fin di dia, e lo ta un cantidad relativamente chikito, ora cu e mercado subi substancialmente.