NEW YORK CITY, New York – Dos agente secreto Mericano a wordo investiga despues cu nan a haci un selfie cu e nieto di ocho aña di Donald Trump, Donald Trump III.
Donald Trump y su famia ta hayando siguridad desde cu e ta presidente. E agente secreto mester a hiba Donald III un caminda, na caminda pa Manhattan, segun Mother Jones.
Ora cu Donald III durante e biahe a pega soño, e agentenan a tuma selfie. E mucha a lanta for di soño y a reacciona furioso riba e accion di e agentenan. Una bes cu e tabata na su mama, el a conta kico a pasa. Esaki a tuma contacto cu hefe di e agentenan secreto. E agencia a confirma a confirma riba e website cu tin un investigacion ta wordo haci riba e agentenan, pasobra cu nan a laga nan post mientras cu nan mester a percura pa su siguridad. E agentenan no a wordo retira. E potretnan tampoco no a wordo publica. Servicio Secreto a maneha e caso como un incidente.
Donald Trump III ta un di e cinco yiunan di Donald Trump Jr y su casa Vanessa.
Fuente: Nu.nl