BALTIMORE, Merca – Un agente di servicio secreto Mericano a horta mas o menos 1600 bitcoin for di su mesun gobierno. E placa virtual aki tin un balor di casi 12 miyon dollar. El a wordo condena na 2 aña di prizon.
E homber di 35 aña ya caba ta den prizon pa otro robo di bitcoin. E tabata involucra den e investigacion di otro mercado clandestino, Silk Road, cu na 2013 a wordo desmantela. E agente mester a haya e administradonan.
Despues di e desmantelacion di e comercio, el a horta miles di bitcoin di e sospechosonan. Na 2015 el a wordo condena na casi 6 aña di prizon.
Despues di e condena, mientras cu e agente tabata ainda den libertad, el a horta gobierno Mericano tambe. E placa ey a wordo tuma den beslag ariba un beurs di bitcoin. E homber a saca e placa for di e cartera virtual di gobierno y a pasa esaki ariba su mesun cuenta. Pa e delito aki el a wordo condena awo.
Pa motibo cu e agente a yuda haya e placa virtual bek, el a haya un castigo mas abao. Pero e lo sinta su di dos castigo, e lo cuminsa cu su condena nobo.
Fuente: https://www.telegraaf.nl