OREGON, Merca- Un agente di ICE di Oregon a wordo aresta pa varios cargo di sodomia y un cargo di incesto.
Blake V. Northway, un residente di Medford di 55 aña a wordo deteni, como resultado di un investigacion conhunto entre e agencia y polis estatal, Oregon Live.
Desde su detencion e oficial a wordo revela di su cargo y lo wordo despedi solamente ora cu e investigacion, e polis estatal a bisa den un comunicado.
“E servicio di Inmigracion y Control di Aduana di Merca ta mantene su oficialnan bou di e standardnan mas halto di conducta profesional y no ta tolera esunnan cu ta kibra ley”, e vocero di ICE, Tanya Roman a bisa den un comunicado. “ICE lo sigui coopera te ora cu e caso aki wordo resolvi”.
Autoridadnan a bisa cu e cargonan no ta relaciona cu e trabao cu Northway ta eherce cu e agencia di inmigracion.
Actualmente Northway ta deteni den e prizon di e condado di Jackson y su fiansa ta estableci na 1 miyon dollar.