TEXAS, Merca- Agentenan di e Border Patrol di Zapata, Texas a ricibi un denuncia cu tabata adverti riba e presencia di ilegalnan cerca di Lake Falcon.
Despues di a siguinan pa casi 2 miya, oficialnan a logra ubica y detene ocho persona di origen Mexicano. Entrenan tabata tin un mama cu su dos yiu muhe chikito.
Mientras e grupo tabata wordo escolta pafo di e matanan, agentenan a nota cu e muhe tabata asina cansa cu e no por a sigui carga su yiu di tres aña. E agente a tuma e mucha, cu tabata drumi, over y a carg’e den su brasanan pa mey miya te yega na e patruya.
E grupo di Mexicano a wordo hiba na e station di e Border Patrol na Zapata unda nan a wordo revisa pa e personal medico. ESaki ta door cu nan tabata exponi na temperaturanan halto. Pero nan tur tabata bon di salud.