DEN HAAG – E agente policial condena den caso di Mitch Henriquez lo apela su veredicto den corte di casacion. Su abogado Caroline de Sitter a informa di a entrega un peticion den corte di apelacion contra di e sentencia.
Henriquez di 42 aña a fayece durante su aresto durante un festival musical na Den Haag, na juni 2015. Corte a libra un di e acusadonan di tur acusacion. E otro agente, cu ta wordo mira como esun responsabel pa e nekklem cu a resulta fatal pa Henriquez, a haya 6 luna condicional.
De Stitter no sa ainda cual ta e kehonan cu lo wordo presenta den Corte di Casacion. Pero si e ta wak un posibilidad den casacion pa motibo cu e agente “segun corte di berdad tabata tin e intencion no tabata tin mal intencion den un situacion cu niun hende lo a desea, pero toch ta wordo condena pa maltrato intencional”.
Contesta ariba e pregunta di e caso tin base huridico, no solamente ta den e fabor di e cliente, segun Stitter, “pero tambe ta na interes di otro agentenan policial cu ta haya nan forsa pa haci uzo di violencia durante nan trabou”.
Dialuna Ministerio Publico a bisa di cu e caso no tin base legal pa bay casacion.