SPRANG-CAPELLE, Hulanda – Un pleito entre dos ex pareha na Sprang-Capelle a sali asina formal for di man, cu agentenan mester a uza pepperspray y un stoel di cushina pa asina por a domina e muhe sumamente rabia.
E dosnan tabata tin pleito. E muhe di 41 aña for di Geldrop a saca su ex amigo for di cas. Polis a wordo yama pa intermedia E muhe a habri ora cu e polisnan a yama na porta y a bisanan cu e tabata recogiendo su pertenencianan y kier bay. E tabata basta rabia y a menasa su ex amigo cu e lo haci’e algo si e bin den e vecindario.
E muhe no a haci caso di e advertencianan di polis y ora cu e agentenan a dune opdracht pa bandona e cas, el a coy dos cuchiu di cushina for di un lachi unda cu el a menasa e agentenan.
E agentenan a reacciona di biaha door di uza pepperspray y wanta e muhe den un klam cu un stoel di cushina contra di e forno. Asina e por a sigura e muhe y por a detene.
Fuente: www.rtl.nl