Afpakteam Integral di Aruba lo bende cinco vehiculo y tres boto na findishi diabierna awor 24 di juli. Por mira e vehiculo- y botonan diabierna mainta desde 10’or na Garashi Corda, Camacuri 8. Pa exactamente 11’or di mainta Deurwaarder Roos lo cuminza cu e benta.
E ganashi di e benta lo bay pa Criminaliteitsfonds y lo wordo usa pa bringa criminalidad na Aruba.
Afpakteam ta un cooperacion di Ministerio Publico, Cuerpo Policial di Aruba, Aduana, FIOT (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht di Aruba, MOT (Meldpunt Ongebruikelijke Transacties y RST. E Afpakteam ta ocupa su mes cu combati criminalidad financiero economico y a wordo lanta riba prome di maart 2017. Desde su inicio Afpakteam a pone beslag riba casi 7 miyon florin.
Si bo persona por sa di señalnan di labamento di placa, por acerca Afpakteam via mail na [email protected] of via tiplijn na 11141.